Plantun de Prouvènço

Pèr coumpara dos planto d'encò nostre

Cotoneaster nebrodensis & Asparagus tenuifolius

Cotoneaster nebrodensis

Rosaceae

Nom en français : Cotonéaster de l'Atlas.

Descripcioun :
L'amelanchié-coutounous-de-l'Atlas, aubret rare au nostre, trachis dins li roucaio e bartas de colo, mai mounto pas forço aut. Demié lis amelanchié-coutounous, li Cotoneaster, se pòu èstre destria emé si fueio : bourrihudo dessouto, emé gaire de péu dessubre, redouno à la baso, en lanço au bout. Apoudèn que porton de "rougno" de barbesin (gibeto roujo sus li fueio). Li ramo e li flour rèston bèn dre. La planto èi proutejido sus listo roujo, categourìo LC, es à dire soucit minour.

Usanço :
Li fru d'amelanchié-coutounous soun pas manjadis e tóuti empouisounant.

Port : Aubret
Taio : 50 à 300 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Cotoneaster
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 5 à 6 mm
Flourido : Printèms

Sòu : Ca
Autour basso e auto : 600 à 1500 m
Aparado : Noun
Mai à jun

Liò : Roucaio - Bartas
Estànci : Subremediterran à Mountagnard
Couroulougi : Mediterrano-Mountagnouso-Ouèst
Ref. sc. : Cotoneaster nebrodensis (Guss.) K.Koch, 1853

Espargo(-di-fueio-primo)

Asparagus tenuifolius

Asparagaceae

Nom en français : Asperge à feuilles étroites.

Descripcioun :
Aquesto espargo, raro au nostre, sèmblo proun à l'espargo-fèro. Pamens li fueio soun mai primo e li flour soun pourtado pèr un long pecou. Flouris à la primo au contro de sa cousino.

Usanço :
A li mémi prouprieta que l'espargo-fèro.